بِسْمِ اللّٰهِ الرَّحْمٰنِ الرَّحِيْمِ
شروع کرتا ہوں) اللہ کے نام سے جو بڑا مہربان نہایت رحم والا ہے۔
اَلَمْ نَشْرَحْ لَكَ صَدْرَكَۙ 94|1
اے رسول(ص)) کیا ہم نے آپ(ص) کے سینے کو کشادہ نہیں کر دیا؟
وَ وَضَعْنَا عَنْكَ وِزْرَكَۙ 94|2
اور وہ بَوجھ آپ سے اتار دیا۔
الَّذِيْۤ اَنْقَضَ ظَهْرَكَۙ 94|3
جو آپ(ص) کی کمر کو توڑ رہا تھا۔
وَ رَفَعْنَا لَكَ ذِكْرَكَؕ 94|4
اور آپ(ص) کے ذکر (آوازہ) کو بلند کیا۔
فَاِنَّ مَعَ الْعُسْرِ يُسْرًاۙ 94|5
یقیناً ہر دشواری کے ساتھ آسانی ہے۔
اِنَّ مَعَ الْعُسْرِ يُسْرًاؕ 94|6
بےشک ہر تنگی کے ساتھ فراخی ہے۔
فَاِذَا فَرَغْتَ فَانْصَبْۙ 94|7
جب (کارِ رسا لت سے) فارغ ہوں تو (عبادت و ریا ضت کرنے میں) محنت کیجئے۔
وَ اِلٰى رَبِّكَ فَارْغَبْ 94|8
اور اپنے پروردگار کی طرف رغبت کیجئے۔