فَسَوْفَ يَدْعُوْا ثُبُوْرًاۙ 84|11
تو وہ موت (اور تباہی) کو پکارے گا۔
وَّ يَصْلٰى سَعِيْرًاؕ 84|12
اور (دوزخ کی) بھڑکتی ہوئی آگ میں داخل ہوگا۔
اِنَّهٗ كَانَ فِيْۤ اَهْلِهٖ مَسْرُوْرًا 84|13
یہ شخص (دنیا میں) اپنے لوگوں میں خوش خوش رہتا تھا۔
اِنَّهٗ ظَنَّ اَنْ لَّنْ يَّحُوْرَۚۛ 84|14
اس کا خیال تھا کہ وہ کبھی (اپنے خدا کے پاس) لوٹ کر نہیں جائے گا۔
بَلٰۤى١ۛۚ اِنَّ رَبَّهٗ كَانَ بِهٖ بَصِيْرًا 84|15
کیوں نہیں! بےشک اس کا پروردگار اسے خوب دیکھ رہا تھا۔
فَلَاۤ اُقْسِمُ بِالشَّفَقِۙ 84|16
پس نہیں! میں قَسم کھاتا ہوں شفق کی۔
وَ الَّيْلِ وَ مَا وَسَقَۙ 84|17
اور رات کی اور ان چیزوں کی (قَسم کھاتا ہوں) جن کو وہ (رات) سمیٹ لیتی ہے۔
وَ الْقَمَرِ اِذَا اتَّسَقَۙ 84|18
اور چاند کی (قَسم کھاتا ہوں) جب وہ پورا ہو جائے۔
لَتَرْكَبُنَّ طَبَقًا عَنْ طَبَقٍؕ 84|19
تمہیں یونہی (تدریجاً) زینہ بہ زینہ چڑھنا ہے (اور ایک ایک منزل طے کرنی ہے)۔
فَمَا لَهُمْ لَا يُؤْمِنُوْنَۙ 84|20
تو انہیں کیا ہوگیا ہے کہ ایمان نہیں لاتے؟
وَ اِذَا قُرِئَ عَلَيْهِمُ الْقُرْاٰنُ لَا يَسْجُدُوْن ۩ 84|21
اور جب ان کے سامنے قرآن پڑھا جاتا ہے تویہ سجدہ نہیں کرتے؟
بَلِ الَّذِيْنَ كَفَرُوْا يُكَذِّبُوْنَ 84|22
بلکہ کافر لوگ تو الٹا (اسے) جھٹلاتے ہیں۔
وَ اللّٰهُ اَعْلَمُ بِمَا يُوْعُوْنَ 84|23
اور اللہ بہتر جانتا ہے جو کچھ وہ (اپنے دلوں میں) جمع کر رہے ہیں۔
فَبَشِّرْهُمْ بِعَذَابٍ اَلِيْمٍۙ 84|24
آپ(ص) انہیں دردناک عذاب کی خبر دے دیجئے۔
اِلَّا الَّذِيْنَ اٰمَنُوْا وَ عَمِلُوا الصّٰلِحٰتِ لَهُمْ اَجْرٌ غَيْرُ مَمْنُوْنٍ 84|25
ہاں البتہ جو لوگ ایمان لائے اور نیک اعمال کئے ان کیلئے کبھی ختم نہ ہو نے والا اجر و ثواب ہے۔